Cuxhaven? Daar ga je niet gauw naar toe. In het appartementje waren we de eerste ‘Hollanders’. Wat ons naar Cuxhaven bracht? De tweede wereldoorlog en dat dan in de persoon van mijn vader, die er in mijn herinnering gewerkt heeft, tewerkgesteld is geweest. Telkens als ik de afslag Cuxhaven zag, dacht ik aan mijn vader…
As pa t over zien tied ien Duutslaand haar, din haar hai t ook haitied over Cuxhoaven. Veur mie klonk dat as Koekshoaven. Ik docht din ook eerder aan n vogel din aan n hoaven en ik docht al hailemoal nait aan oorlog. Koekshoaven was veur mie n plak oet t verleden en mien pa was nait zo jong meer en ik kon mie hom ook nait veurstellen as n jonge man dij op andere plakken west haar as ien ons toen achter t hoes. Akker aan t ìnd van stroat doar hai zien eerabbellaand haar was ja ook al ver vot.
Mor goud, je leren wat bie en worren wat wiezer en kommen ook nog ais aargens. Ale moalen dij ik deur t noorden van Duutslaand kwam en de oafslag Cuxhoaven zaag, docht ik wel aan pa. Hai haar doar wel wèst en ik wos ook dat dat ien oorlogstied was en dat hai ien hoaven tewaarksteld was.
Nou was t din zover dat ik der ook ais kieken ging. Din lopen je doar en dinken je aan hom, Wat het hai zain, wat docht hai, hou zaag hai zien toukomst. Het hai aignlieks wel in Cuxhoaven aan t waark west?
Of het hai t der n moal over had en is noam mie ien kop zitten bleven? En as k hom aal mien vroagen steld haar, haar hai mie din ook antwoorden kinnen? t Was gain proater mor doarien was hai gain oetzundern. Hai kon wel wat zeggen mor kon ik dou wel luustern? Aal dij gedachten heb ik onner t lopen deur ien Cuxhoaven. t Strand is mooi, zun schient, de olle stad is hersteld. Mooie gebaauwen old en nij deurmekoar hìn. Is nij kommen op ploatsen woar old platgooid is? As hai hier lopen het, zaag hai dou woarvan ik nou zeg: Das n ol gebaauw? Ien olle hoaven stoan veul verwoarloosde loodsen en kins zain datter ooit meer diverdoatsie west het. Op n koale plak zain wie n videoprezentoatsie van hou of t worden zel. n Nij gebouw, wonen aan t wodder, mit aigen staaiger en vanzulf n aigen bootje. Luxe en riekdom op n stee dij laang leden ook al riek was, dou even nait en dommit weer wel.
Cux dut mie denken aan cokes zegt Hans. En dat wordt bevestigd as wie laangs n monumentje lopen van drij ‘bakjes’ dij vast bruukt binnen bie t loaden of lözzen van schepen mit cokes.
As ik op t internet zuik op ‘cokes in Cuxhoaven’ vien ik dit berichtje:
1937-04-30: Eemsbode 30-04-1937: Motorschoener “ Hans Johann “ in moeilijkheden, door de “MARS“ naar Cux haven gesleept. De twee mast Duitse motorschoener “Hans Johann“ vertrok eergistern (28-04-1937) beladen met cokes van Cuxhaven, tegelijk met de te Delfzijl thuisbehorende motorschoener “MARS“, kapitein W. Wijnstok. Op de Noordzee gekomen brak voorgenoemd schip zijn roer het werd door de “MARS“ op sleeptouw genomen en in Cuxhaven binnengebracht. De “Hans Johann“ behoorde vroeger aan den heer G. Wijnstok die het schip gevaren heeft onder de naam “ DINA JOHANNA“.